𝐅𝐈𝐀𝐑𝐀𝐇𝐀-𝐌𝐈𝐀𝐒𝐀 𝐀𝐑𝐀-𝐓𝐀𝐅𝐈𝐊𝐀 𝐄𝐎 𝐀𝐌𝐈𝐍'𝐈 𝐌𝐀𝐃𝐀𝐆𝐀𝐒𝐈𝐊𝐀𝐑𝐀 𝐒𝐘 𝐈𝐍𝐃𝐄 : 𝐌𝐀𝐍𝐎𝐌𝐁𝐎𝐊𝐀 𝐍𝐘 𝐅𝐀𝐌𝐏𝐈𝐀𝐍𝐀𝐑𝐀𝐍𝐀 𝐓𝐄𝐍𝐘 𝐀𝐍𝐆𝐋𝐈𝐒𝐘 𝐀𝐓𝐀𝐎𝐍’𝐈𝐑𝐄𝐎 𝐌𝐈𝐀𝐑𝐀𝐌𝐈𝐋𝐀 𝐈𝐍𝐃𝐈𝐀𝐍𝐀 𝐄𝐓𝐎 𝐀𝐌𝐈𝐍’𝐍𝐘 𝐌𝐈𝐍𝐈𝐒𝐈𝐓𝐄𝐑𝐀𝐍’𝐍𝐘 𝐅𝐎𝐋𝐎𝐀𝐋𝐈𝐍𝐃𝐀𝐇𝐘
Nanomboka
ny alatsinainy 7 jolay 2025 ny fampianarana teny anglisy ataon'ireo
miaramila Indianina ho an'ireo mpiasa sivily sy miaramila eto amin'ny
Minisiteran’ny Foloalindahy sy ireo Etamzaoro. Izany fampianarana Izany
dia atao ao amin'ny trano fianarana teny vahiny eto amin’ny
Fitaleavan’ny serasera eto anivon’ny Minisiteran'ny Foloalindahy.
Haharitra telo volana ity fampianarana ity izay atomboka amin'ny sokajy
fototra ka aorian'izay no hisokafan' ny sokajy antenantenany.
Nanokatra
izao fampianarana sy fiofananana izao tamin'ny fomba ofisialy ny
Sekretera Jeneralin'ny Minisiteran'ny Foloalindahy, ny Amiraly ASSANY
Bemarivo Jeannot niaraka tamin'ny Talen'ny Serasera eto anivon'ny
Minisiteran'ny Foloalindahy, Ramatoa ANDRIANARISOA Bodo Hanta Lovasoa.
Namporisihin'Andriamatoa
Sekretera Jeneraly ireo mpianatra hilofo hatrany amin'ny fianarana izay
entina manatsara ny fiatrehena ny asa andavanandro. Nanolotra ny teny
fankasitrahana ireto delegasiona avy amin'ny firenena Indianina,
tarihin'i Kolonely Devashish Dikshit ihany koa ny tenany amin'ny
fanatanterahana izao fampianarana izao, izay porofo mivaingana amin'ny
fiaraha-miasa matotra eo amin'ny firenena roa tonta.
